Një çift të moshuarish nga Saranda janë të detyruar të lënë shtëpinë e tyre dhe të ngelen në rrugë pasi një pronë që e fituan në vitin 1992 me të drejta ligjore, qeveria shqiptare ka vendosur t’ia kthejë shtetit rumun, i cili pretendon se e ka patur në pronësi të vetën.
I moshuari deklaron në emisionin investigativ “Stop” se “me urdhër të Kryeministrit Rama po ma marrin banesën. Kjo pas vizitës së Ramës në Rumani. Shkoi andej dhe i thanë ata që kemi një pronë te ju, po s’kemi dokumenta”.
Në vitet e mbretërisë Mbreti Zog pretendohet se këtë truall tokë në Sarandë ia ka dhënë një arkeologu rumun i cili ia kaloi në pronësi shtetit të tij.
Ndërsa në vitin 1992 nga Agjensia Kombëtare e privatizimit, këtë truall e përfitoi ky shtetas shqiptar.
Pas pretendimeve të dyanshme, nga pala rumune dhe qytetari shqiptar, Gjykata e Sarandës vendosi ti ngelet shqiptarit dhe qeveria rumune do të merrte një kompensim.
Por është qeveria Rama ajo që vendos se kjo pronë duhet ti kthehet shteti rumun dhe ky person duhet të dalë nga shtëpia.
