Për të gjykuar një vepër penale që parashikon mbi 7 vite burg në Gjykatën e Kavajës nevojitet një trup gjykues prej tre personash, por kjo është praktikisht e pamundur.
Aktualisht në Gjykatën e Kavajës është vetëm Kryetarja e Gjykatës dhe një Gjyqtar që përballojnë fluksin e madh të gjyqeve.
Vetëm në një ditë realizohen 25 gjyqe, ndërsa dhjetra të tjerë zvarriten pambarimisht.
Gazetari i emisionit investigativ “Stop” në Tv Klan, iu drejtua Gjykatës ku morri informacionin se problemi është ngritur herët nga Gjykata deri te KLD e Presidenti i Republikës.
Kryetarja e Gjykatës Entela Shedula thotë se e “përballojmë punën vetëm unë dhe një Gjykatës në mënyrë çnjerëzore”.
Avokati Kristaq Andoni thotë se proceset zvarriten pa asnjë lloj kriteri ligjor.
“Presim të zëvënësohet trupa gjyqësore. Ka raste kur kanë vdekur njerëzit dhe gjyqi s’ka mbaruar”, thotë avokati.
