Kryetari i PS, Edi Rama ka reaguar pas denoncimit të LSI se në Ksamil po blihen vota. Rama u ka dërguar kandidatëve të PS një mesazh ku sqaron se personi që akuzon LSI-ja është në fakt nënprefekti i Sarandës, anëtar i kësaj force politike. Kjo tregon sipas Ramës frikën që ka kapuar LSI-në nga humbja e lojës “i treti i vërteti”.
Mesazhi i Ramës i publikuar nga Balkanweb:
Sapo LSI ka denoncuar tentativë për blerje votash në Ksamil, me makinën që rezulton të jetë e nënprefektit, anëtar i LSI. Dmth kësaj i thonë bërtet hajduti kapeni hajdutin. E ndjejnë që loja me i treti i vërteti mbaroi dhe njerëzit nuk hanë bar. Ju lutem vigjilencë maksimale për të bllokuar çdo hienë që synon të blejë vota. Për të garantuar procesin dhe mosdeformimin e votës së shqiptarëve. Forca dhe betejë derë më derë për të ngulitur tek çdokush mendimin se kush mungon gabon! Përqafime.
