Një 18-vjeçar ka humbur jetën në hidrocentralin e Tamarës në Shkodër. Rastin e denoncon ish-kryeministri Sali Berisha, sipas të cilit ngjarja është mbajtur e fshehur nga autoritetet lokale.
Dy mesazhe të publikuara nga Berisha, tregojnë se i riu Sebastjan Bujaj ka humbur jetën pak ditë më parë, ndërsa theksohet se ngjarja është mbajtur e fshehtë nga familjarët pasi kanë frikë.
Sipas denoncimit që ka publikuar Berisha, thuhet se i riu punonte për 150 mijë lekë në turbinat e Hidrocentralit. Opinion.al komunikoi me policinë e Shkodrës, e cila nuk dha asnjë shpjegim për ngjarjen./Opinion.al
