Pronarit të një biznesi në zonën e ish-Bllokut në Tiranë, i është kërcënuar prona nga disa punonjës të hipotekës nëse nuk paguan “haraç”, pavarësisht dokumentacionit të rregullt që zotëron.
Lajmi është konfirmuar nga deputeti i Partisë Demokratike, Ervin Salianji në Facebook, i cili shkruan se biznesi në fjalë po kërcënohet nga drejtuesit e rinj të hipotekës se nëse nuk paguan para për ta, prona do t’i kalojë një tjetër pronari.
“Drejtues të rinj të hipotekës e kërcënojnë që ose do të paguajë haraçin ose pronën do e regjistrojnë në emër të një individi tjetër, qe biznesi e denoncon që e kanë falsifikuar,” shkruan Salianji.
Sipas tij, biznesi me kontratë me shtetin zotëron një pronë në zonën e ish-Bllokut, por provon çdo ditë presionin e pushtetit për llogari të mafias qeveritare.
Postimi i plotë:
Mafia e pronave vazhdon ben kerdine ne cdo cep, diku i merret prona qytetareve per pallat, diku shkaterrohen pronat pa asnje dokument, diku transferohen dhe regjistrohen me falsifikim. Nje biznes ne mes te bllokut kercenohet nga Hipoteka se nese nuk paguan haraçin per ta do i transferojne pronen tek nje individ tjeter.
Biznesi me kontrate me shtetin zoteron nje prone ne zonen e bllokut provon cdo dite presionin e pushtetit per llogari te mafias qeveritare!
Biznesi deshmon se drejtues te rinj te hipotekes e kercenojne qe ose do te paguaje haraçin ose pronen do e regjistrojne ne emer te nje individi tjeter qe biznesi e denoncon qe e kane falsifikuar!
