Nga Vlora mbërrijnë denoncime se qytetarët kanë shkuar për të votuar dhe kanë konstatuar se vota është hedhur në emër të tyre nga persona të tjerë. Opinion.al mëson se janë të shumta këto raste dhe shqetësime të ngritura nga qytetarët. Raportimi vjen përkatësisht nga QV 4489 dhe Qv 4469 ku dy shtetas perkatesisht Luan Shehu dhe Fatmir Sulejmani nuk kane votuar sepse dikush ka votuar perpara tyre. Policia ka marrë denoncimet dhe ka nisur verifikimet për denoncimet e qytetarëve.
“Një shtetas ka bërë kallëzim se sot rreth orës 09:30, është paraqitur për të votuar në Qendrën e Votimit 4489, e cila ndodhet në lagjen “1 Maji” Vlorë dhe nuk ka mundur t’a ushtrojë të drejtën e votës pasi nga ana e Komisionit të kësaj Qendre Votimi, pas verifikimit në listat e votuesve ka rezultuar se me të dhënat e këtij shtetasi ishte kryer njëherë votimi.
Në lidhje me këtë rast, Policia ka kryer veprimet e para hetimore dhe po punohet për identifikimin e autorëve përgjegjës në lidhje me këtë ngjarje”, njofton policia e Vlorës.
