Një 62-vjeçar është proceduar nga Policia e Tiranës, pasi dëmtoi fshirëset e xhamave të 30 automjeteve.
Policia njofton se A. Xh., u procedua në gjendje të lirë, ndërsa dyshohet se vuan nga probleme të shëndetit mendor.
“Dëmtoi fshirëset e xhamave të 30 automjeteve, në disa zona të Tiranës, procedohet penalisht autori i dyshuar. Shërbimet e Komisariatit të Policisë Nr. 3, pas kallëzimeve të depozituara nga disa shtetas, për një person që iu kishte dëmtuar fshirëset e xhamave të automjeteve, pasi kanë identifikuar autorin e dyshuar, e kanë shoqëruar atë në komisariat për sqarimin e rrethanave dhe kryerjen e veprimeve të mëtejshme procedurale. Në vijim të veprimeve u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, dhe u procedua në gjendje të lirë shtetasi A. Xh., 62 vjeç, banues në Tiranë, i cili dyshohet se vuan nga probleme të shëndetit mendor. Materialet i kaluan Prokurorisë për veprën penale “Shkatërrimi i pronës”,-njofton Policia./Opinion.al
