Delina Ibrahimaj është emëruar në postin e drejtorit të përgjithshëm të Institutit të Statistikave. Ajo erdhi në krye të këtij institucioni, i cili u drejtua për një periudhë të shkurtër nga Mirela Muça, për shkak të ndarjes në mënyrë të parakohshme nga jeta të ish-drejtorit z. Gjergj Filipi.
INSTAT bën të ditur Ibrahimaj mban gradën Doktor (PhD) në Bankë dhe Financë nga Universiteti i Romës, Tor Vergata. Ajo ka punuar në Bankën e Shqipërisë dhe sëfundmi në Kryeministri, si koordinatore për krijimin e një sistemi të integruar shkëmbim informacionesh dhe statistikash operacionale mes instituteve shtetërore.
