Ministrja e Ekonomisë dhe Financave, Anila Denaj ka njoftuar sot se ka nisur procesi për verifikimet e individëve të cilët përfitojnë nga Paketa e Dytë Anti-COVID.
Kjo procedurë ka nisur për të gjithë të interesuarit, subjekte apo individë, të cilët konsiderojnë se mund të jenë përfitues të ndihmës financiare sipas VKM nr.305 datë 16.04.2020, por kërkesa e tyre është refuzuar apo nuk i është dhënë mundësia për të aplikuar.
Procesi është ndarë në dy formate:
Formati 1 për subjektet. Tatimpaguesi në ankesën e tij duhet të shprehë qartazi problematikën si dhe të vendosë ID e punonjësve për të cilët pretendon se nuk janë përfshirë në Kërkesën për ndihmë financiare 2, të paraplotësuar me të dhënat e individëve potencialisht përfitues.
Subjektet, mund të ngarkojnë Formatin 1 të ankesës, të plotësuar, në e-filing, menuja Çështjet e mia – Pyetje e Përgjithshme.
Ndërsa individët duhet të plotësojnë Formatin 2. Individët mund të dërgojnë Formatin 2, të plotësuar, në adresën e dedikuar të emailit: [email protected]
Është e rëndësishme që ankesa e dërguar nga individët duhet të përmbajë NIPT e subjektit në të cilin është i punësuar dhe ka aplikuar, NID përkatës të individit si dhe të dhëna të tjera të kërkuara në formular. /Opinion.al
