Një shënim mbi teorinë e lumturisë sipas Albert Ajnshtajn është shitur në një ankand për 1.56 milionë dollarë. Letra e shkruar në gjermanisht, ku shkencëtari i famshëm shpjegonte lumturinë, është shkruar në vitin 1922.
Ajnshtajn thotë se një jetë e qetë dhe e përulur sjell më shumë lumturi se kërkimi i pandalshëm i suksesit. Bashkangjitur me këtë shënim, fizikani i njohur ka shkruar edhe një tjetër letër motivuese, ku i shpreh marrësit se kur vullnet, ka gjithnjë një mënyrë për t’ia dalë. Letra e dytë u shit për 240 mijë dollarë në të njëjtin ankand.
Histori e dy letrave është thuajse e pabesueshme.
Gjatë qëndrimit në një hotel në Tokio në vitin 1922, Ajnshtajn asokohe i çmuar me Nobel në fizikë, i jep personit që e ndihmoi me valixhet këto dy letra, në pamundësi për t’i dhënë para. Sipas AFP, Ajnshtajn i pati thënë se nëse do të ishte me fat, letrat do të vlenin shumë më tepër se një bakshish i thjeshtë./Tv Klan
