Deputeti demokrat Flamur Noka, i cili ka mbajtur edhe postin e ministrit të Brendshëm i ka shpëtuar ligjit të Dekriminalizimit. Prokuroria tha se në bazë të kërkesës së një grupi deputetësh kemi verifikuar informacionet lidhur me një masë të mundshme sigurimi dhënë ndaj tij në vitin 1991, nga autoritetet e ish-Republikës Federative Jugosllave. “Flamur Noka nuk figuron në evidencat e Ministrisë së Punëve të Brendshme Serbe dhe si rrjedhojë nuk ka evidenca dënimesh”, tha Prokuroria.
Prokuroria gjithashtu thotë se nuk përbën shkelje dëbimi nga një vend i huaj në rastet kur bëhet fjalë për emigracion të paligjshëm. Në formularin e vetëdeklarimit thuhet ekzaktësisht: “A është marrë ndonjëherë për ju masa e dëbimit nga një shtet i huaj (me përjashtim të rastit kur jeni dëbuar ekskluzivisht për shkeljen e rregullave të emigracionit që kanë të bëjnë me rregullat e që ndrimit apo hyrje-daljes në një territor të një shteti të huaj)”?
Pra, pavarësisht faktit se nuk rezulton të ketë vendim dëbimi për Flamur Nokën, edhe nëse do të kishte një vendim të tillë për kalimin e paligjshëm të kufirit drejt të ish-Jugosllavisë, Noka nuk ka pasur detyrimin ligjor për ta deklaruar në formular.
Për këtë arsye, Sektori i “Dekriminalizimit” ka arritur në konkluzionin se deputeti Flamur Noka nuk është në kushtet e ndalimit të mandatit.
Rreth një vit më parë të majtët e akuzuan Nokën se ka qenë spiun i UDB-së serbe.
/Opinion.al
