Edhe kryetari i Kuvendit Ilir Meta, ka pranuar konsensunsin midis palëve lidhur mbi draftin e dekriminalizimit. Nga dera e Kuvendit, Meta tha se:
“Edhe nëse ka ndonjë mendim të ndryshëm kemi të gjithë kohën për ta përmbyllur këtë proces me konsensues. Për fat të keq ne e kemi një zakon që mirëkuptimin e lëmë për minutat e fundit dhe mendoj që kjo pak a shumë ka ndodhur në rastin në fjalë se kjo punë e përbashkët mund të ishte zhvilluar me kohë. Por padyshim që edhe vizita e përfaqesueses se larte te BE shpresoj që të ketë sjellë impulse më pozitive për bashkëpunimin ndërparlamentar pasi edhe ajo vetë e tha se Evropa po ndeshet me sfida të paparashikaura më parë dhe kjo kërkon që vendi ynë të shumëfishkojë forcat e tij dhe të tregojë një vullnet më të madh për të fituar arritje e për të ecur drejt anëtarësimit”, tha Meta.
Mësohet se një nga pikat ku kanë ngecur negociatat është deklarimi i emrave të përdorur. PD kërkon që kushdo që përfshihet në procesin e vetëdeklarimit, të përfshijë edhe emrin që mund të ketë përdorur më herët në shtete të tjera.
