E ftuar në emisionin “Studio e Hapur” të gazetares Eni Vasili në Neës 24. Ministria e Mbrojtjes Mimi Kodheli, i është përgjigjur edhe pyetjes mbi dekorimin e torturuesit të At Zef Pllumit, hetuesit Shyqyri Çoku, duke thënë se kanë verifikuar vetëm nëse këta veteranë janë gjallë dhe se nuk ishte as në tagrin e qeverisë dhe as të Ministrisë së Mbrojtjes kontrollimi i 1200 emrave që ishin përfshirë më herët në listën e veteranëve të kategorisë A.
INTERVISTA
Zonja ministre do doja ta fillonim intervistën me një ngjarje që ju ka parë disi protagoniste në politikën e ditës, që ka të bëjë me dekorimin veteranëve të kategorisë A. Sot që kryeministri ka kërkuar ndjesë publike si ndjeheni?
Ndjehem shumë mirë, sepse jo çdokush kërkon falje. Tashmë të gjithë e njohin procesin, e njohin se si ka ardhur deri në ditën e sotme statusi i veteranëve të ndarë në kategori dhe kategoria A është superiore. Është ngritur një grup që ka studiuar mbi 13 mijë personat që kanë pasur statusin veteranit dhe për pasojë kanë përfituar pension të posaçëm dhe favore të tjera.
Ne me rastin e 70vjetorit nderuam me një medalje kategorinë A, për çka kanë bërë gjatë Luftës së Dytë Botërore. Nuk e dinit këtë gjë, nuk e dinin stafet tuaja?
Në 1200 veta? Nuk ka qenë në tagrin e askërkujt, as të qeverisë dhe as më pak të Ministrisë së Mbrojtjes. Ne morëm një grup dhe kësaj kategorie i dhamë një medalje. Statusi i veteranit është fituar bazuar në këtë proces deri në vitin 9697.
Për dhënien e këtyre dekorimeve ishte ngritur komision?
Këtë listë e morën nga Instituti i Sigurimeve Shoqërisë. Ishte një gjë e marrë, e siguruar si e drejtë në atë periudhë. Ne kontrolluam vetëm nëse ata ishin gjallë apo kishin vdekur. Ligji që mban këtë status bën fjalë për të gjithë ata që nuk ishin të dënuar me vendim të formës së prerë apo kolaboracionist. Prekeshin sensibilitete të tjera ndaj. Ne kërkojmë ndjesë dhe për gjëra që të tjerët kanë bërë. Një çorbë që kanë bërë ata. Kanë dekoduar pseudopersona që s’dihet se çfarë kanë bërë. Ne zbatuam një vendim praktik të Këshillit të Ministrave. Ne menduam se ky ishte një proces i drejtë.
