Drejtori i Zyrës për Kosovën në qeverinë serbe Petar Petkoviç, ka reaguar pas deklaratës së presidentes së Kosovës, Vjosa Osmani për dinarin serb.
Përmes një postimi në rrjete sociale, ai e cilësoi atë si “gënjeshtare”.
Petkoviç ka thënë se asnjë marrëveshje për dinarin nuk është arritur.
Sipas tij ata që janë të fortë dhe të fuqishëm po i imponojnë zgjidhje popullit serb në Kosovë dhe Metohi.
“Çfarë do të thoshte populli ynë, Vjosa Osmani gënjen si qen! Asnjë marrëveshje për dinarin nuk është arritur, dhe ata që janë të fortë dhe të fuqishëm po bëjnë vetëm se po i imponojnë zgjidhje popullit serb në Kosovë dhe Metohi”, shkroi Petkoviç në rrjetin social “X”.
Osmani deklaroi më herët sot se çështja e dinarit serb në Kosovë duhet të zgjidhet me urgjencë dhe se tashmë ekziston pajtueshmëri për një pjesë të propozimit amerikan për këtë diskutim.
Sipas saj, do të ishte ishte nëse do të arrihej një marrëveshje në Bruksel, më 19 mars, në kuadër të dialogut mes Kosovës dhe Serbisë./Opinion.al
Што би наш народ рекао, @VjosaOsmaniPRKS лаже као пас! Никакав договор о динару није постигнут, а они који су силни и моћни једино што раде јесте да српском народу на KиМ намећу решења. pic.twitter.com/CG07av4C1F
— Петар Петковић (@PetkovicPetar) March 18, 2024
