Teksa është ndërprerë seanca plenare, kreu i PD, Sali Berisha, po jep një deklaratë për mediat.
Berisha është ndalur te reagimi i deputeteve të PS pas deklaratave se ka video për orgjira të mbërritura në celularin e tij, duke ju referuar McGonigal dhe ministrave të qeverisë.
Berisha tha se fakti që zonjat deputete të PS reaguan fuqishëm ndaj deklaratave të tij e bën kryedemokratin të hetojë tre herë më shumë.
“Ju e patë, Edi Rama i damkosur me skandalin, kishte bindur zonjat e PS se akuzat nuk janë të vërteta.
Deklaratat i kam bërë në konferencë shtypi. Unë ja u thashë në parlament. Çdo të dhënë do ta paraqes në komisione parlamentare. Por në natyrën time nuk keni parë të publikuar video, foto të karakterit erotik, s’merrem me to. Fakti që reaguan fuqishëm zonjat deputete më bënë të hetoj tre herë më shumë. Po të mos s’kisha fakte s’do bëja deklaratën”-tha Berisha.
