Drejtori i Ujësjellësit të Sarandës ka bërë një deklaratë në kufijtë e absurdit në një intervistë të dhënë për një televizion lokal. Gazetari e pyet për situatën e ujit në qytetin e Sarandës, ku fillimisht ai u shpreh se qyteti furnizohet vetëm 8 orë në ditë. A është kjo e mjaftueshme? – e pyet gazetari, dhe kjo pyetje merr përgjigjen e cila po bën xhiron e rrjetit.
“Unë i kam lënë edhe tri ditë pa ujë për të parë sesa kërkesë ka.
S’i ka rënë asnjëri telefonit që të thotë “shiko se jam pa ujë”. – u shpreh Sheme Lalo.
Sado absurde të duket kjo përgjigje, shpreh edhe një anë të realitetit të hidhur shqiptar, ku populli e ka të vështirë për të mos thënë të pamundur të ngrejë zërin për problemet shqetësuese.
Pyetja që lind pas kësaj është: A duhet të marrë masa Bashkia Sarandë për të shkarkuar drejtorin e Ujësjellësit i cili pranon publikisht që ka bërë eksperimente me banorët duke i prerë ujin për 3 ditë.
