Kreu i Emergjencave Civile ka dhënë sot një deklaratë të fortë duke vënë në panik qytetarët në mbarë vendin. Ai tha se pas zjarreve vendi do të përballet me tërmete të forta. Nuk dihet se në çfarë të dhënash bazohet kreu i Emergjencave Civile por se nëse janë të saktë është e nevojshme që ato të publikohen në mënyrë që alarmi për tërmete të mos mbetet në kuadrin e një ligjërate!
Ja çfarë tha Shemsi Prençi, kreu i Emergjencave Civile, strukturë në varësi të Ministrisë së Brendshme
Pas një vere të nxehtë lind një problem i rrezikshëm së pari do të kemi parasysh që periudha e ripërsëritjeve të tërmeteve është me kohë dhe limite të përcaktuara. Duke llogaritur tërmetet e vitit 67 në periudhën e kthimit një herë në 50 vite, ne përkojmë me rrezikshmërinë e lartë të tërmeteve në Shqipëri në të dy korridoret Elbasan, Tiranë, Shkodër, Dibër , Korcë etj.
Ne duhet të jemi të kujdesshëm në raport me situatat e pritshme , kanë nisur lëkundjet e para në rajonin e Elbasanit, kryesisht në Qukës. Do t’i lutemi Zotit të mos ketë pasoja por ne duhet të jemi të përgatitur sepse ekziston rreziku i tërmeteve në 2017 dhe në fillim të 2018 siç parashikohet dhe nga Gjeoshkenca.
Deri në fund të gushtit temperaturat do të jenë ekstreme deri në 37- 40 gradë dhe normalisht kjo është një situatë që kërkon sakrificë, angazhim, kërkon rritjen e përgjegjësisë.
