“Dëshirojmë të tërheqim numër sa më të madh udhëtarësh për Air Serbia, sidoemos për udhëtimet tej oqeanike. New Yorku do të jetë vetëm fillimi”.
Kështu ka deklaruar Kryeministri serb Aleksandër Vuçiç, duke iu referuar shërbimit ajror të kompanisë “Air Serbia”, i cili ka bërë kërkesë që të hyjë edhe në aeroportin e Kosovës.
Ai ka shtuar se “me këtë vështrim është e nevojshme që përmes aeroportit dhe kompanisë shtetërore, të tërheqim sa më shumë shqiptarë për fluturimet tejoqeanike”.
Deklarata u bë gjatë hapjes së portës zyrtare “D” në Aeroportin e Beogradit.
“Air Serbia” tashmë ka vendosur fluturime me aeroportin “Nënë Tereza” të Tiranës, ndërsa ka kërkuar që të ketë fluturime edhe nga Aeroporti i Prishtinës “Adem Jashari”.
Serbinë në këtë rast nuk e ka penguar emri që mban ky aeroport.
