Sekretari i Përgjithshëm i Partisë Demokratike, Gazment Bardhi ka reaguar pas postimit të presidentit Ilir Meta, i cili shkruante “stop gënjeshtrave të deputetëve Basha dhe Bardhi”.
Në një postim në rrjetin social “Facebook”, Bardhi i është përgjigjur presidentit Meta dhe ka bërë publik edhe një pjesë të vendimit të Gjykatës Kushtetuese.
Ndër të tjera Bardhi shkruan se gjuha e Foltores nuk është e denjë për Presidentin e Republikës.
“Një sulm më shumë, një sulm më pak nga Ilir Meta nuk ndryshon asgjë në raport me të vërtetën. Presidenti nuk e mbajti premtimin për t’i shkuar deri në fund të vërtetës kushtetuese për zgjedhjet lokale të 30 Qershorit 2019. Ai nuk iu drejtua Gjykatës Kushtetuese për të provuar se kishte të drejtë për shtyrjen e zgjedhjeve.
Gjuha e Foltores nuk mund të jetë kurrë gjuhë e institucionit të Presidentit, pavarësisht halleve të përbashkëta të Ilir Metës, Edi Ramës dhe Sali Berishës.
Duke i uruar punë të mbarë Presidentit të Republikës, i sugjeroj lexim të kujdesshëm të vendimit të Gjykatës Kushtetuese”-shkruan Bardhi./Opinion.al
