Lionel Messi insiston se kurrë nuk është joshur të luajë për Spanjën, duke thënë se qëllimi i tij gjithmonë ka qenë ta përfaqësojë Argjentinën.
“Para dy ditësh po bisedoja me një mik dhe ai më tha, ‘shiko, sikur të luaje për Spanjën, tani do të ishe kampion bote’”, ka shpjeguar Messi për El Trece.
Messi i ka parë kolegët e tij nga akademia e Barcelonës, Andres Iniesta, Xavi dhe Gerard Pique, duke triumfuar në këtë ngjarje të madhe me Spanjën.
“Ama, për mua nuk do të kishte qenë e njëjtë. Natyrisht, kurrë nuk më ka shkuar mendja. Zgjodha Argjentinën pasi kjo është vendlindja ime”, ka insistuar Messi
Megjithatë, Argjentina padyshim i është mirënjohëse top golashënuesit të vet, het-triku i jashtëzakonshëm i të cilit kundër Ekuadorit tetorin e kaluar ia siguroi kualifikimin në Kupën e Botës Rusia 2018.
