Ministri i Mbrojtjes i Izraelit, Israel Katz ka bërë sërish një deklaratë të fortë për liderin suprem të Iranit, Ajatollah Ali Khamenei, disa ditë pas konfliktit të të dy vendeve.
“Një njeri si [Khamenei] gjithmonë ka synuar shkatërrimin e Izraelit përmes agjentëve të tij. Ky njeri, i cili është i gatshëm të na sulmojë, nuk duhet të mbetet gjallë. Ky njeri absolutisht nuk duhet të vazhdojë të ekzistojë. Kjo është një çështje, çështja e ndalimit të këtij njeriu, e eliminimit të tij, që është pjesë e kësaj fushate. Tani e kuptojmë më qartë rolin e tij, sepse më parë ai fliste për shkatërrimin e Izraelit”, tha ai.
Deklarata vjen pasi zyrtarët amerikanë thanë gjatë kësaj jave se Donald Trump vendosi veton ndaj komplotit të Izraelit për të vrarë Khamenein.
Reagimi i ministrit izraelit të Mbrojtjes, Katz vjen pas sulmit me raketë të Iranit që goditi një spital në Beersheba.
