Gjatë bashkëbisedimit me qytetarët, kryeministri Edi Rama ka reaguar edhe për deklaratën e ish ministrit të Shëndetësisë, Ilir Beqaj, për uljen e pagave dhe pensioneve.
Kreu i qeverisë deklaroi se kjo gjë nuk ka për të ndodhur dhe se i vetmi rast që paga dhe pensioni mund të preket është vetëm për rritjen e tyre.
“Nuk ka ulje pensionesh apo rrogash. Përsa i përket qëndrimit zyrtar të qeverisë dhe timit, kurrë nuk ka pasur dhe nuk do të ketë prekje të pensioneve apo të pagave. Nëse do të preken do të preken vetëm për t’u rritur.
Shkurt, thjesht, copë. Është një situatë e vështirë kur duhet të përballesh me fjalët e transformuara diku, si një akuzë kundër meje dhe qeverisë”, u shpreh kryeministri./Opinion.al
