Ka degjeneruar në fyerje mbledhja e Komisionit të Sigurisë sot në Kuvend, ku po raportonte ministri i Brendshëm Saimir Tahiri, i cili më pas u largua nga mbledhja. N/kryetari i Komisionit Flamur Noka ka nisur debatin me Tahirin i cili ishte duke raportuar në Komisionin e Sigurisë për projektbuxhetin 2017 kur Noka e ka quajtur ministrin ‘karagjoz’. Ndërsa ka ofenduar edhe kryetarin e komisionit, Sparak Brahon.
Pjesë nga debati
Tahiri: Do vazhdojmë me modernizimin e politikave dhe investimeve në infrastrukturë. Krahasuar me 2013 ka 145% mundësi më shumë për financim.
Dogjani: Buxhet për vrasjen e Santos
Braho: I përket buxhetit të dy viteve më parë
Braho: Jo me nerva të dobëta
Tahiri: Sot policët janë më pak të korruptuar. I kanë vënë gjoba dhe deputetëve të këtij komisioni. Policia e shtetit nuk njeh të pandëshkueshëm
Noka: Sot ti je parespektuari, jo policia, je i zhytur në batak. Mos na trego budallallëqe, ndrro kasetë! Ky këtu është i zhytur në krim, drogë e korrupsion.
Braho-Dogjanit: Tani ka vënë kasetë me çifteli siç e do ti. Nëse ai është i lidhur me krimin të njoftojmë Adriatik Llallën të vijë menjëherë këtu ta arrestojë.
Dogjani: Trafik armësh që vijnë nga Mali Zi
Largohet Tahiri: Kam axhendën e zënë, duhet të largohem.
Noka- Brahos: Nuk bën më mbledhje me ne kështu. Të dhjes mu në kryetar që je…
Noka për Tahirin: Ulu aty ti more karagjoz. Nuk ikën pa mbaru unë!
Noka-Brahos: Pa autoritet!
Braho: Faleminderit z. Ministër për gjakftohtësinë. Noka vjen me skenar për të prishur mbledhjen…
