Ndarja nga jeta e Chester Benington, preku zemrat e shumë njerëzve në mbarë botën. Por pjestarët e grupit “Linkin Park”, nga ku ai u bë aq i dashur për njerëzit, ishin pjesë e familjes dhe si të tillë e vuajnë edhe më tepër ikjen e Chester. Ata i kanë dedikuar këtij të fundit një letër publike për të shprehur dhembjen dhe vlerësimin që kanë pasur për solistin e tyre.
I dashur Chester
Zemrat tona janë të thyera. Tronditja e pikëllimit dhe e mohimit vazhdon të jetë gjithnjë e më e madhe përmes familjes sonë, teksa përplasemi me atë që ka ndodhur.
Ti ke prekur kaq shumë jetë, madje edhe më shumë se sa mund ta mendosh ti. Në këto ditë që kanë kaluar ne kemi parë një lumë dashurie dhe mbështetjeje, si nga publiku ashtu edhe nga të afërmit nga e gjithë bota. Talinda dhe familja jote e vlerëson shumë këtë gjë, dhe dëshirojnë që e gjithë bota të dijë se sa bashkëshort, djalë, dhe baba i mrekullueshëm ishe ti ; familja nuk do të jetë kurrë e plotë pa ty.
Të flisje me ty përgjatë këtyre viteve e kuptoje se entuziazmi yt ishte infektues. Mungesa jote na ka lënë një boshllëk që nuk do mbushet kurrë. Një zë i zhurmshëm, gazmor, ambicioz, krijues, i dashur, dhe bujar po i mungon kësaj dhome. Ne përpiqemi ti kujtojmë vetes se demonët që të morrin ty ishin gjithnjë pjesë e paktit. Mbi të gjitha ishte prej atyre demonëve që ti u këndojë, dhe njerëzit ranë në dashuri me ty. Pa frikë ti i nxore ata në pah, dhe duke e bërë këtë, na bëre më të bashkuar, dhe na mësove se si të ishim njerëzor. Ti kishe zemrën më të madhe, dhe u kujdese që ta vishje gjithmonë.
Dashuria jonë për të krijuar dhe performuar muzikë është e pafundme. Ne nuk e dimë se çfarë rrugësh do marrin jetët tona, por e dimë se ato janë bërë më të bukura prej teje. Faleminderit për këtë dhuratë. Ne të duam dhe na mungon shumë.
Deri sa të shihemi sërish. LP
