Pasditen e sotme reshjet e dëborës janë rikthyer në zonën e juglindjes. Reshjet kanë rënë kryesisht në zonat malore, në Qafë Thanë, Mokër, Dardhë, Voskopojë dhe Vithkuq.
Edhe pse reshjet janë të nivelit të ulët borëpastrueset kanë dalë në terren për të kriposur rrugët dhe qafat problematike si ajo e Qafë Thanës apo aksin e Dardhës.
Deri më tani nuk ka asnjë raportim edhe për mungesë të energjisë elektrike në zonat e prekura nga reshjet e dëborës.
Në mbrëmje termometri shënoi 4° por temperatura pritet të ulet edhe më tepër gjatë natës.
