Mbrëmjen e djeshme në spektaklin ‘Dance With Me’, shefi i kuzhinës Renato Mekolli performoi në skenë një këngë greke të titulluar ‘Soma Mu’.
Por kjo gjë nuk i ka pëlqyer aspak anëtarit të jurisë Robert Aliaj, i cili është ‘revoltuar’ sepse sipas tij asnjë grek nuk do të këndonte këngë shqiptare e as shqiptarët nuk kanë pse e bëjnë këtë.
Por Renato nuk ka qenë aspak në këtë mendim, duke u shprehur se ka qenë pikërisht Greqia që e vlerësoi për talentin e tij në kuzhinë, ndërkohë që në një intervistë për ‘Class’ ka sqaruar se e respekton mendimin e Beriti por nuk mund të rrinte pa thënë fjalën e tij.
“Berti është Berti… Ai ka mendimin e tij dhe unë e respektoj, por edhe unë nuk mund të rrija pa thënë fjalën time. Kënga dhe arti bashkon gjithë botën…. Në Greqi ka plot shqiptarë të suksesshëm në fusha të ndryshme, por nuk do të thotë që nuk kanë identitetit. Unë nuk besoj se ne si komb nuk kemi identitet, sepse nuk do ishim këtu ku jemi tani” – thekson Renato.
E ndërsa vetëm pak minuta më parë ka shpërndarë në rrjetet sociale një video nga performanca e mbrëmshme dhe shkruan: Soma Mu nga Renato Mekolli. Televizion shqiptar. Të dua Greqi. Dhe përsëri do të këndoj greqisht.
