Shkarkimi i Manjanit ka qenë pjesë e debateve sot në Komisionin Parlamentar të Ligjeve. Demokratët u kërkuan socialistëve të reagojnë për akuzat që u bëri ish-ministri i Drejtësisë, Ylli Manjani.
“Akuzat për drogën, Balilin, kercenimet e gjyqtareve dhe koncesionet asnjë nga ministrat nuk i përgënjeshtroi. Kjo tregon se të gjitha cfare tha Manjani janë të vërteta” tha Eduard Halimi.
Përgjigja e deputetit të PS, Piro Lutaj ishte e rëndë për Manjanin. “Po presim raportet mjekësore për shëndetin e tij”, tha Lutaj.
Deputeti tjetër i PS, Ulsi Manja i kujtoi opozitës se nëse mban gjallë opozitarizmin me tezat e Manjanit, dita për të ardhur në pushtet do të jetë shumë e largët.
Përsa i përket vendimit të qeverisë për shkarkimin e funksionarit që u prek nga ligji i dekriminalizimit, që denoncoi dje Manjani, Dashamir Peza u shpreh se “nëse ministri ka pasur vërejtje për mbledhjen e shkarkimit të Elvis Rroshit, ta thoshte në 30 dhjetor dhe jo tani.
“Të paktën Ylli Manjani solli opozitën në komision se na merr malli ti shohim. Por vijnë këtu bëjnë megafonin e Manjanit të shkakrkuar” tha ai.
Komisioni kishte në rend ditë diskutimin për kandidaturat për Avokatin e Popullit, ndërsa opozita u largua.
Në fund komisioni vendosi që nga 20 kandidaturat, 5 ti skualifikonte, pasi nuk plotësonin kriteret ligjore.
Lista me 15 emrat e mbetur në garë i dërgohet Kuvendit, ndërsa kush do të marrë 28 firma do të futet për votim në seancë plenare.
