Seanca e posaçme për Arben Ahmetajn do të mbahet ditën e nesërme, në orën 10:00. Vendimi u mor nga Konferenca e Kryetarëve në Kuvendin e Shqipërisë.
Opozita kërkoi që sot që të vihet në rendin e ditës raporti për imunitetin e Arben Ahmetaj, por u refuzua nga mazhoranca.
Sipas informacioneve, seanca e nesërme do të ketë dy raporte për këtë çështje.
Menjëherë pas vendimit për ta mbajtur seancën të premten, reagoi Partia Demokratike: “Tërhiqet mazhoranca; pranohet kërkesa e opozitës; seanca për Arben Ahmetaj nesër në orën 10:00”.
Pas disa orësh debat dhe pasi deputetët e opozitës penguan vijimin normal të seancës, Taulant Balla, kërkoi që të mblidhet Konferenca e Kryetarëve. Konferenca e Kryetarëve vendosi që seanca të mbahet të premten, ndërsa fillimisht ishe parashikuar që të zhvillohej më 17 Korrik.
