Grupi Parlamentar i Partisë Demokratike është i vendosur të mos lejojë funksionimin normal të Kuvendit “derisa mazhoranca të mundësojë rikthimin e normalitetit parlamentar”.
Përjashtimi i deputetëve të opozitës, rrëzimi i Komisioneve Hetimore dhe bllokimi i Reformës Zgjedhore dhe moskonsiderimi i asnjë nisme ligjore ka bërë që deputetët e Partisë Demokratike të debatojnë ashpër në Komisionet Parlamentare dhe të braktisin mbledhjen.
Ato akuzojnë qeverisë se kanë shkatërruar Kuvendin me qëndrimet e njëanshme, prandaj kanë vendosur edhe bojkotin e Komisioneve.
Në Komisionin e Ligjeve debati nisi për propozimin e Jorida Tabaku, për ligjin e prokurimeve, nismë që është rrëzuar nga mazhoranca. Për Tabakun, kjo është një tregues se qeveria nuk e përfillë opozitën.
“Unë dhe disa kolegë të grupit parlamentar, që i keni përjashtuar, kemi përgatitur një nisëm ligjore që e kam dorëzuar në emrin tim por që është nisëm e grupit parlamentar të PD-së.
Ne nuk jemi këshilltare të qeverisë, ne kemi bërë një propozim me shumë seriozitet të cilën kemi që në çdo dhjetor që e kemi prezantuar, në qoftë se ne propozimet duhet t’ia çojmë qeverisë që të shohë qeveria i merr apo nuk i merr, mua më duket e palogjikë kjo mënyrë. Dhe kjo është pikërisht kjo mos përfillja ndaj opozitës dhe ajo konsiderata që ju keni, që asgjë nuk vlen.
Kam bërë disa propozime për luftën ndaj korrupsionit, të cilët keni një vit që thoni që janë shumë të mira dhe do ti merrni parasysh, tani më thoni tërhiqu që t’ia çoj qeverisë me shkresë, mua më duket jo serioze. Ju falenderoj që jeni përpjekur ta diskutojmë këtu, por është e pa pranueshme që një deputeti të opozitës t’i thuhet merri propozimet dhe çoja qeverisë. Ne kemi vullnetin tonë, dhe angazhimin tonë në Kuvend dhe nuk na e zë dot hapësirën tonë qeveria, janë 31 nisma te deputetëve, nëqoftëse i fusni në rend dite vetëm për t’i rrëzuar dhe për të thënë çojani qeverisë, nuk është fare serioze për parlamentin por edhe për punën e deputetëve”, tha Tabaku.
