Një ditë pas takimit Rama-Basha, PD-ja ka thirrur grupin parlamentar. Mësohet se në mbledhje ka shpërthyer debati, pasi Basha është shprehur se ambasadorja e BE në vendin tonë Romana Vlahutin mban një krah politik.
Ai ka replikuar me deputetin Selami. Gjithashtu, kreu i PDsë e ka cilësuar kryeministrin Rama si mashtrues. Nga ana e tij, Selami ka pyetur nëse qëndrimi i PD së bie ndesh me qëndrimin e ndërkombëtarëve për Reformën në Drejtësi.
Basha: Rama mashtron, diskutimi në 90% i fokusuar te vendet e rezervuara.
Gjatë mbledhjes, deputeti Eduart Selami i ka parashtruar Bashës disa pyetje për këtë çështje.
Selami: A na çon në përplasje me ndërkombëtarët qëndrimi ynë? A kemi përplasje pas deklaratave të Mogherini, Nuland e Kukan?
Basha: Ne i kemi sqaruar ndërkombëtarët se jemi për një draft bazuar në rekomandimet e Venecias dhe per qe mbron drejtësinë nga kapja politike.
E kemi sqaruar Nuland për këtë qëndrim.. Deklarata e Mogherinit është shkruar në Tiranë. Vlahutin është pozicionuar qartë për një krah politik.
Gjatë diskutimit, ka ndërhyrë edhe deputeti Sali Berisha: “Vendet e rezervuara të cilat mazhoranca nuk i pranon janë propozim i ndërkombëtarëve”, tha ai.
