Partia Demokratike edhe një herë sot ka mbajtur qendrim ndaj mazhorancës. Pasi Strazimiri ka denoncuar situatën anormale ku ndodhet vendi, PD ka braktisur Komisionin e Ligjeve. Por ndryshe nga ditët e tjera, partia tjetër opozitare, LSI-ja nuk ka bojkotuar punën në komisione.
Në nisje të mbledhjes, deputeti demokrat Gent Strazimiri, ka deklaruar se në korridoret e Kuvendit sillet një i inkriminuar, që mbrohet nga socialistët, teksa e ka pasur fjalën për deputetin Saimir Tahiri, i cili akuzohet për përfshirje në trafikun ndërkombëtar të drogës.
Debati në komision
Strazimiri: Ju harroni qe korridoreve te Kuvendit sillet nje i inkriminuar. Keni qene te pergatitur ta mbronit. Ketu eshte tempull per njerez te ndershem. Jo strehim per te kerkuarit e drejtesise me prova te antimafias italiane. Ju po e mbroni mafian ne kurriz te shtetit. Z. Kryetar, portret krenar, ballehapur siç ju ka thene partia. Ulsi, aty nuk je ulur per te mbrojt kriminelet.
Manja: Ule gishtin, ule
Fino: Ishte me mire Halimi dje. E uli nivelin Strazimiri
Manja: PD e beri ritualin. Ketu duhen njerez te pergjegjshem. Drejtesia po ben punen e vete. Nuk kam pse skuqem. Jemi garante te Kushtetutes dhe ligjit.
