Xhani De Biazi nuk heziton të japë këshilla për talentët kuqezi që të luajnë në kampionatin Italian dhe anasjelltas. Ai fton gjithashtu klubet italiane të ndjekin dhe afrojnë lojtarët shqiptarë.
Në një intervistë për gazetën “Messaggero Veneto” , trajneri i Kombëtares Shqiptare ka përmendur emrat e disa lojtarëve që janë edhe nën vëzhgimin e tij. “Përveç Manajt, i cili ka debutuar tek Interi, mendoj se është Milot Rashica i Viteses i lindur në 1996, apo 22-vjeçari Liridon Latifi, i cili luan në Shqipëri me Skënderbeu. Të dy janë mesfushor me tipare sulmuese” – vuri në dukje De Biazi.
Tekniku i kuqezinjeve foli edhe për prishmëritë që ka për finalet e Euro 2016, natyrisht me humorin që e karakterizon. “Duam të fitojmë…Të lëmë shakatë, duam të paraqitemi mirë. Do t’ia bëjmë të vështirë të gjithëve. Francën e kemi mundur edhe më parë, Rumania është një ekip në rritje, Zvicra është e fortë” – sqaroi 59-vjeçari.
Ndër të tjera italiani ka folur për eksperiencën e tij tek Udineze. Ai tha se aventura tek skuadra italiane është një ndër pengjet më të mëdha në jetën e tij, pasi nuk ka arritur të përballojë situatën e vështirë në të cilën ndodhej./Panorama
