Në një prononcim për SuperSport trajneri i kombëtares shqiptare, Gianni De Biasi rrëfen të ardhmen duke theksuar që mbetet kuqezi edhe për 2 vite të tjera.
“E ardhmja për mua është Shqipëria, Europiani dhe pastaj kualifikueset e Botërorit “Rusi 2018″, më shumë në kohë nuk mund të parashikojmë pasi varet nga shumë faktorë, por besoj se kam treguar gjithmonë se kam synime të mira për të qëndruar këtu dhe kam treguar se nuk shpërqëndrohem nga sirenat që kanë tentuar të më joshin”.
“Kontrata ishte e shkruar dhe u rinovua automatikisht kur arritëm kualifikimin. Unë nuk kërkova gjë por e di që presidenti me bujarinë e ti do t’ia dalë të më përmirësojë kontratën mua dhe bashkëpunëtorëve të mi. Jam i bindur që do e bëjë por edhe nëse nuk e bën kjo nuk ndryshon asgjë”.
Tek Shqiperia nuk qëndron per para dhe per ta provuar kete fakt, trajneri Italian rrëfen për SuperSport refuzimin e një kontrate prej 5 milion eurosh nga Kina.
“Është e vërtetë, një ofertë që më erdhi para 3 javësh. Nuk e mora në konsideratë edhe pse ishin shumë para, 2 milionë e gjysmë Euro në vit për dy vjet, plus benefitet dhe gjithë të tjerat, por besoj se për mua kënaqësia më e madhe është të jem me djemtë e mi në Francë dhe mundësisht t’i çoj sa më para të jetë e mundur. Besoj se ky është urimi që iu bëj të gjithëve”, Perfundon rrëfimin e tij per Supersport Gianni De Biasi
