Prania e Shqipërise në të njëjtin grup me Zvizcrën po ngjall interes të madh. Të dy ekipet do të luajnë më 11 qershor takimin e Euro 2016. Të gjithë e quajnë një derbi dhe kjo ndodh edhe në vendin helvetik. Një nga gazetat më të njohura zviverane “Blick” ka intervistuar trajnerin e kuqezinjve, Gianni De Biasi.
Tema më kryesore ishte lojtarët shqiptarë, të cilët luajnë me Zvicrën dhe ata që janë rritur në Zvicër dhe luajnë me Shqipërinë. “Kishim folur një ditë më parë se do të ishte një ndeshje e çuditshme, pasi do të jenë shqiptarë kunder njeri-tjetrit. Do të ishte mirë ta kishim shmangur, por tani ndodhi” – deklaroi De Biasi për gazetën zvicerane.
Trajneri i Shqipërisë tha se në Shqipëri lojtarët shqiptarë të Zvicrës konsiderohen si tradhëtarë, por sipas tij kjo është një zgjedhje e lirë.
Gianni De Biasi pranoi se është interesuar dhe interesohet për shqiptarë të cilët janë në Zvicër, por kjo pa krijuar probleme me këtë vend apo UEFA-n.
