Komisioneri europian Oliver Varhelyi, është pyetur nga gazetarët, në konferencën e përbashkët për mediat me përfaqësuesin e lartë të BE, Josep Borrell, dhe kryeministrin Edi Rama nëse do të ketë një datë për antarësimin e Shqipërisë në BE.
Varhelyi tha se gjithçka do të varet nga sa shpejt Shqipëria përmbush kushtet.
Varhelyi: Çdo gjë është në vendin e duhur. Kemi bisedimet, një axhendë reformash që duhet kryer. Gjithçka varet nga sa shpejt Shqipëria përmbush kushtet, nuk po punojmë me afate. Ato nuk çojnë në realizime, puna në terren çon te realizimet. Kjo e shmang vëmendjen nga çështja reale.
Rama: Data vendoset kur përmbushen kushtet e brendshme e të jashtme. E këtë nuk mund ta parashikojë askush. Datat vendosen kur i vjen dita, dhe dita vjen kur ti i ke bërë detyrat dhe ata janë të gatshëm t’i shqyrojnë e të vendosin notën. Ajo që duhet të na interesojë është a po i bëjmë ne detyrat apo jo. Dhe për sa kohë po i bëjmë detyrat jemi në rrugën e duhur. Ata që janë sot anëtarë të BE kanë patur shtet kur ne nuk denim ku ishim dhe ndërtimi i një shteti funksional nuk është një fjalë goje, dhe ky është procesi i integrimit. BE është sot në një tjetër qasje ndaj nesh. Që nuk e kishte përpara disa vitesh.
