Erdhi edhe dita e shumë pritur për familjen Messi. Lionel dhe Antonella do i thonë PO njëri – tjetrit në një ceremoni të veçuar nga publiku dhe të ruajtur nën masa të rrepta sigurie. Ceremonia hermetike e çiftit, është respektuar deri në detaj nga organizatorët dhe miqtë e ngushtë të çiftit. Rrugët e qytetit ku do të organizohet ceremonia do të vazhdojnë aktivitetin normal, ndërsa rruga që të çon për në vendin ku do të organizohet ceremonia, do të reduktojë qarkullimin në orët e mbrëmjes.
Në këtë ceremoni do të marin pjesë emra shumë të njohur nga bota e sportit. Luis Suarez, Neymar Jr., Sergio Busquets, Samuel Umtiti, Jordi Alba, Gerard Piqué, Xavi Hernandez, Fabregas, Samuel Eto’o , Sergio Agüero dhe Carles Puyol, do të jenë prezent së bashku me familjet respektove, pa harruar edhe këngëtaren Shakira e cila është edhe bashkëshortja e lojtarit të Spanjës. E vetmja mungesë do të jetë Ronaldinho, i cili nuk mund të jetë prezent për shkak të një angazhimi profesional.
Siç edhe dihet, dasma do të zhvillohet në vendlindjen e futbollistit Argjentinë, pasi për të ka kuptim të veçantë shpirtëror. Edhe policia është angazhuar në ruajtjen e sigurisë së dasmës, pasi siç është bërë me dije, 300 forca speciale do të jenë në gadishmëri./Opinion.al
