Për ditë të tëra, në mediat shqiptare një nga lajmet më të debatuara ka qenë këngëtarja Xhesika Ndoji, e cila deklaroi se i janë ofruar shuma të mëdha parash nga deputetët, për të bërë seks me ta. Por, ky nuk është vetëm një debat shqiptar. Në Angli, shumë studente vendosin të shkojnë me pasanikë për të shmangur rrugën e vështirë të jetesës, atë të fitimit të parave me anë të punës.
Falë kësaj zgjedhje, ato kanë para për të mos jetuar në konvikt, por të marrin shtëpi me qera, të blejnë libra, veshje, madje të bëjne edhe pushime luksoze. Ato quhen “dashnoret sheqerka” dhe i gjuajnë pasanikët në faqen SeekingArrengement, që ka mbi 5 milionë anëtarë në mbarë botën.
Daily Mail ka intervistuar disa nga këto studente. Ali Mohamed, 22 vjeç, thotë se ajo punonte katër ditë në javë dhe shkonte edhe në shkollë njëkohësisht. Për 22-vjeçaren, kjo ishte diçka e mundimshme, ndaj zgjodhi të bëhet “dashnore sheqerkë”. “Doja diçka më të lehtë, por me pagë të ngjashme”, thotë ajo. Ali, që studion në Oksford, tani shkon me dy meshkuj njëkohësisht, një 47 vjeç dhe një 32 vjeç.
Ata natyrisht nuk e dinë për njëri-tjetrin. 22-vjeçarja thotë se merr dhurata të shumta, darka dhe udhëtime, por dhe pagesa nga 800 deri në 1000 stërlina. Histori të njëjtë kanë edhe vajzat e tjerë të intervistuara./Tema
