Pasi u la jashtë listave të kandidatëve për deputetë të PD-së, Dashnor Sula mori një sërë ftesash nga forca të tjera politike. Fillimisht ai i tha “po” një propozimi të lëvizjes “Shqipëria bëhet” të Adriatik Lapajt, propozim nga i cili, u tërhoq shumë shpejt.
Më pas, më 19 Mars, Sula u ftua të bashkëpunojë nga Edi Rama. Megjithëse kryeministri mes batutash tha që fillimisht ai duhej të dezinfektohej. Përgjigjen e kësaj ftese Dashnor Sula e jep në studion e emisionit “Stop”. Sigurisht në mënyrën e vet!
“E ka qarë doktori zanatin, nga 6 bashki u tha katunarëve ikni, nuk keni njeri ju që t’ju mbrojë. Ai tjetri thotë që të dezinfektohet nga morrat, po ku kam flokë unë që të qëndrojë morri tek mua. Unë jam qeros. Morri këtu tek unë ikën, duket që në Peqin e deri në Përrenjas.”
Sula nuk u tregua aspak i rezervuar sa i takon Sali Berishës dhe Partisë Demokratike që e la jashtë listave të kandidatëve për deputetë. “Flamur Noka kryeministër e Albana Vokshi kryetare e Parlamenti”, vazhdoi sagën e ironive Sula.
“Doni ta mësoni ju të parët. Është sekret shumë i madh. Ka ndërruar mendje sot doktori më thirri sot. Më thirri e më tha ne do e mundim Edi Ramën, e kemi gjetur formulën. LaCivita më ka thënë: ‘Tërhiqu kryeministër si kandidat për kryeministër dhe i vetmi njeri që e bën m** Edi Ramën, kandidat për kryeministër duhet të jetë Flamur Noka, kryetare Parlamenti Albana Vokshi dhe le të gjejë vrimë e të futet Edi Rama.’ Unë i thashë jo doktorit, u mallëngjeva dhe i thashë ‘nesër më ke në fushatë doktor’, me kryeministër Flamur Nokën edhe ta këpusim si pras Edi Ramën sepse është i gjatë shumë dhe kryejmë punë. Dhe çfarë mora vesh që të gjithë kandidatët ishin të lumturuar. Nga sot kishin filluar motorët të ikë Edi Rama të shporret. Prite Flamurin se po vjen të shpëtojë mëmëdhenë”./tvklan.al
