Dashamir Tahiri i renditur i 5-ti në listën e PD-së në Vlorë nuk arriti ta marrë mandatin e deputetit. Dëshpërimi i tij është i madh pasi votat që mblodhi nga komuniteti çam në zonën e Vlorës shkuan dëm pasi mandatin e mori “greku” Vangjel Dule (i treti në listën e PD).
Dashamir Tahiri thotë se asnjë çam nuk futet në Parlament edhe pse janë marr 3 mandate nën siglën e PDIU-së.
Ai uroi deputetët e Elbasanit por tha se ato nuk kanë marrë votat e çamëve.
Dhe si përfundim Dashamir Tahiri mendon se ka bërë gabim se nuk garoi në vete, por hyri në listën e Bashës.
Prononcimi i Dashamir Tahirit për Neës24:
Zoti Tahiri, ndiheni i zhgënjyer për rezultatin në Vlorë?
Ndihem i zhgënjyer padyshim.
A e bëni fajtor z. Basha?
Jo. Secili ka pjesën e tij të fajit. Koha do e tregojë. Gjërat do ecin përpara. PD do ngrihet prapë.
Do vijoni ta mbështesni?
Unë jam i djathtë. Qëndrimi im është djathtas. Po të kisha dalë vetëm do isha në parlament. Marr shkas të them se edhe partia ku isha unë (PDIU) nuk mori asnjë mandat atje ku ka çam. Uroj për mandatet e Elbasanit por nuk mori asnjë mandat atje ku ka çam. Kjo është ajo që kam thënë “çam lind nuk bëhesh”.
