Ditën e sotme të rinjtë e Partisë Demokratike kanë zhvilluar një protestë për darkën e eksponentëve të lartë të qeverisë në Dubai, teksa Shqipëria ishte e përmbytur nga reshjet e shiut që përfshinë vendin ditët e fundit.
Të rinjtë me pankartat në duar deklarojnë se qeveria është e shkëputur nga realiteti i Shqipërisë, pasi ministrat darkojnë në një ndër restorantët më të shtrenjtë të botës, në Dubai.
Sipas të rinjve të PD, vëmendja e qeverisë është tek luksi e korrupsioni dhe jo tek problemet e qytetarëve të cilët luftuan për disa me përmbytjet.
Ndërkohë, Kryetari i FRPD, Belind Këlliçi theksoi se shfaqja me vaksinat e Edi Ramës sot është pjesë e propagandës për të mbuluar skandalin e darkës luksoze në Dubai ose siç thuhet në pankartat e të rinjve rama përdori “vaksinën anti-nusret”, sipas emrit të pronarit të restorantit luksoz në Dubai.
“Ndërkohë që situate e rëndë dhe mjerimi ekonomik është kudo në Shqipëri, qeveria vazhdon me propagandën. Sot na kanë dalë me vaksinën anti Nusret për të larguar vëmendjen nga skandali që u ka plasur me ministrat e saj në Dubai”, – tha Këlliçi./ Opinion.al
