Nuk është e lehtë të jesh tifoz i Brondby. Klubi i periferisë në Perëndim të Kopenhagës është mes skuadrave që kanë numrin më të madh të mbështetësve në Danimarkë. Megjithatë, prej rreth dhjetë vitesh, gjithçka duket se po shkon keq.
Kampionate anonime, ndryshime të vazhdueshme të pronësisë dhe një bilanc disa herë afër kolapsit. Në javët e fundit Brondby është kthyer në qendër të vëmendjes për një çështje të sikletshme, që nuk ka pasur lidhje me fushën. Tri ditë pas humbjes 31 në fushën e Sonderjyske, trajneri Thomas Frank, në drejtim të ekipit që nga 2013ta, ka dhënë dorëheqjen.
Arsyeja? Gazetat daneze kanë zbuluar se presidenti Jan Bech Andersen e ka krikuar ashpër në një forum online të tifozëve, por duke përdorur një pseudonim.
Nga 2014ta dhe deri tani Bech Andersen ka investuar më shumë se 10 milionë euro me shpresën për të kthyer në majë skuadrën e tij të zemrës. Gjithsesi, gjërat nuk kanë shkuar siç shpresonte ai (Brondby është në vendin e 4t në renditje, 9 pikë larg rivalëve të Kompenhagen) dhe ka vendosur të përdorë forumin e tifozëve për të shfryrë zhgënjimin e tij, duke përdorur pseudonimin “Oscar”.
Një veprim ky që është kritikuar shumë nga opinioni publik danez. Edhe pse ka kërkuar falje në faqen zyrtare të klubit, Andersen nuk është dukur shumë i penduar: “Nuk kamë qenë asnjëherë i aftë për të fshehur emocionet e mia. Jam tifozi i parë i klubit dhe do të vazhdoj të jem. Për mua futbolli është pasion, kështu jam gatuar”. Deklarata të denja për … “Oscar”.
