Mbledhja e sotme e Këshillit Politik dështoi si pasojë e largimit të opozitës nga tryeza e cila refuzoi të diskutonte mbi draftin e propozuar nga PS.
Damian Gjiknuri tha se opozita jashtëparlamentare ka për synim që të krijojë një krizë artificiale.
Ai nuk u përgjigj nëse do të pranonte kërkesën e opozitës për t’ju drejtuar ODIHR-it për asistencë por tha se para tyre nuk mund shkohet pa një produkt konkret.
“Partia Demokratike bojkotoi sot Këshillin Politik, me të njëjtat qëndrime që për mua kanë synim që të hedhin në erë këtë proces dhe të krijojnë një krizë artificiale. Stiset një debat i kotë: a duhet tani ODIHR apo më vonë. ODIHR është organizatë e specializuar për të dhënë mendim juridik mbi produkte konkrete. Sot ne sollëm një draft konkret dhe ODIHR shprehet mbi drafte, jo mbi sherre teorike. Ky proces nuk mund të zvarritet përtej shtatorit.
PD nuk do vazhdimin e kësaj tavoline, do krizë artificiale dhe t’i thotë shqiptarëve që këto janë ndryshime të njëanshme. Këto janë sebepe për të justifikuar situatën e tyre politike. PD-ja kërkon qiqra në hell”, shtoi Gjiknuri./ Opinion.al
