Dallëndyshe Bici refuzoi marrjen e mandatit të deputetit. Ky fakt u bë i ditur përmes një shkrese që Bici i dërgoi Komisionerit Shtetëror të Zgjedhjeve, Ilirjan Celibashi.
Meqenëse ajo nuk e pranoi mandatin, kandidati tjetër në listë e PS është Plarent Ndreca, i cili e ka pranuar mandatin e lënë nga Ahmetaj.
“Patjetër që po”, është përgjigjur ai pas interesimit të gazetarëve në lidhje me këtë çështje.
Kujtojmë se Kuvendi njoftoi se Arben Ahmetajt iu dogj mandati pasi prej më shumë se 6 muajsh nuk ka marrë pjesë në punimet e Kuvendit.
Plarent Ndreca siguroi në zgjedhjet e vitit 2021, 4008 vota.
