Ky është momenti kur hidhet lënda plasëse në lokalin e 24-vjeçarit Oltjon Muçaj, në Kamëz. Sikurse duket në pamjet e siguruara nga Klan News i riu ka zbritur nga mjeti ku ndodhej pasagjer dhe ka hedhur lëndën plasëse në drejtim të lokalit.
Ndërkohë si pasojë është dëmtuar fasada e jashtme e lokalit dhe janë thyer disa xhama. Policia thotë se nga ngjarja nuk ka të lënduar.
“Më datë 18.11.2023, rreth orës 04:25, në rrugën “Donald Trump”, në ambientet e jashtme të një lokali të marrë me qira nga shtetasi O. M., 24 vjeç, dyshohet se ka shpërthyer lëndë plasëse. Si pasojë është dëmtuar fasada e jashtme e lokalit dhe janë thyer disa xhama. Nuk ka persona të dëmtuar”, njoftoi policia.
Policia po vijon hetimet për kapjen e autorit/ëve.
