Këto janë pamjet e një sherri në Korçë të ndodhur ditën e sotme, ku një 30-vjeçar u sulmua dhe u dhunua me shkopinj bejsbolli nga 4 persona.
Ngjarja ndodhi në lagjen nr.4 të qytetit juglindor, ku konflikti i nisur në rrugë përfundoi në ambientet e një servisi automjetesh. Ashtu siç shihet edhe në video, 30-vjeçari vrapon për t’i shpëtuar agresorëve, ndërsa këto të fundit nuk i ndahen nga pas deri sa arrijnë ta kapin dhe qëllojnë dhunshëm me shkopinj bejsbolli.
Policia ka arritur të identifikojë autorët e sulmit, të cilët janë: S.S., K.S., M.Xh. dhe E.G.. Këto dhunuan me shkopinj bejsbolli 30-vjeçarin R.H., i cili ndodhet në spital dhe për fat të mirë është jashtë rrezikut për jetën.
Policia i ka shpallur të gjithë të dyshuarit në kërkim. Grupi hetimor ka zbuluar se sherri i sotëm i ka paraprirë një tjetër konflikti mes të lënduarit dhe vëllait të tij, që u konfliktuan me S.S., një nga persona e identifikuar në këtë video si dhunues.
