Të shtëna me armë në Radhimë të Vlorës. Ngjarja raportohet te ketë ndodhur pak minuta më parë dhe mësohet se të shtënat janë dëgjuar pranë një hoteli duke shkaktuar panik mes turistëve.
“News24” raporton se policia ka rrethuar zonën dhe nuk dihet ende autori i ngjarjes.
Dyshohet se një person ka qëlluar ndaj policisë, pasi këta të fundit kishin shkuar për t’a arrestuar.
Mësohet se do arrestohej një person i cili ishte shpallur në kërkim, por detaje mbi këtë operacion nuk ka ende.
Raportimet e para flasin se uniformat blu kanë ndërhyrë në një banesë në Radhimë ku ishte marrë informacion se jetonte i kërkuari.
