Policia ka publikuar pamjet e atentatit ku mbeti i plagosur Lorenc Hoxha tek kryqëzimi i Komunës së Parisit ditën e premte. Mbrëmë janë arrestuar autorët në Vlorë. Atentatori është Dejvis Rrustemaj. Edhe ky i fundit i ka shpetuar nje atentati ne Maj në zonën e Kinostudios.
Policia tha se Dejvis Rrustemaj armatosur doli nga makina dhe shtiu ndaj makines tjetër. (shih video)
Sektori për Hetimin e Krimeve të Rënda ndaj Jetës në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë në sajë të një hetimi të mirëfilltë disa ditor, me metoda speciale të hetimit bënë të mundur zbardhjen dhe dokumentimin me prova ligjore të tentativës së vrasjes të ndodhur më datën 03.08.2017 në rrugën “Sulejman Delvina” te Komuna e Parisit, Tiranë.
Falë këtyre veprimeve të shpejta e profesionale u bë e mundur lokalizimi i personave të përfshirë në këtë ngjarje.
Të arrestuarit
–– Dejvis Rrustemaj,( në rolin e ekzekutorit ), 27 vjeç, banues në Tiranë.
– Klajdi Kodra, ( në rolin e bashkëpuntorit ), 27 vjeç, banues në Tiranë.
– Igler Qose, ( në rolin e bashkëpunëtorit) 26 vjeç, banues në Bulqizë.
– Ardit Xheferri, ( përkrahës i autorit të krimit), 31 vjeç, banues në Tiranë.
