Sabrina Lekaj, 20-vjeçarja që u vra dy ditë më parë nga babai i saj në Adelaide të Australisë, ka patur probleme të vazhdueshme me prindërit.
Mediat britanike kanë zbuluar disa mesazhe që Sabrina shkëmbente me shoqen e saj ku i tregonte për problemet me të ëmën.
“Sapo qava. Kam qenë vërtetë e mërzitur sepse mami më thotë gjithmonë ku*vë”, i shkruante Sabrina shoqes.
Një nga shoqet e ngushta të saj, Jana Fandi tha për mediat australiane se ajo ishte një vajzë e jashtëzakonshme, që ndihmonte këdo.
“Ajo më tregonte se donte të gjente një kurë për të gjitha sëmundjet në botës. Ishte shumë ambicioze. Ajo ishte shumë, shumë e zgjuar. Isha gjithmonë aq krenare për të, sepse talenti i saj ishte i pabesueshëm”.
Policia e gjeti 20-vjeçaren bashkë me babain 49-vjeçar, brenda në makinë. Ai ishte “lyer” në gjak dhe me plagë thike në bark. Policëve iu desh të thyenin xhamin e makinës që t’i nxirrnin të dy.
Babai u mor në pyetje dhe më pas u mbajt i arrestuar, ndërkohë që ndaj tij është ngritur akuza për vrasjen e së bijës. Ai pritet të dalë në gjyq këtë të premte, pasi është operuar për plagët. /Opinion.al
