Është bërë publike foto e dy personave që dyshohen për vrasjen e 32-vjeçares në Durrës.
Aldo Brahimi 22 vjeç dhe Ylli Grabovari 45 vjeç u arrestuan nga policia pasi dyshohen si autorë të vrasjes me thikë të 32-vjeçares, Luljeta Preza mëngjesin e së mërkurës poshtë urës së Dajlanit.
Për këtë ngjarje, policia po heton në gjendje të lirë 3 shtetase, mes të cilave dhe një 15-vjeçare, pasi ishin prezente në momentin ku ndodhi ngjarja e rëndë, por asnjëra prej tyre nuk e ka kallëzuar në polici.
Dyshohet se Aldo Brahimi dhe Ylli Gabovari kanë goditur fillimisht me grushte e më pas me thikë 32-vjeçaren, Luljeta Preza në tentativë për t’i marrë lekët.
Si pasojë e plagëve e reja gjeti vdekjen në vend, aty ku dhe u konstatua e pajetë nga policia rreth 9 orë pas vrasjes.
32-vjeçarja jetonte poshtë urës së Dajlanit dhe mësohet se ishte punonjëse seksi, dhe më herët rezulton të ketë qenë proceduar për vjedhje.
