Bukuroshja australiane Miranda Kerr i ka dhënë fund beqarisë disa muaj më parë me themeluesin e rrjetit social, Snapchat, Evan Spiegel. Ceremonia martesore e tyre ishte tejet private,me 45 vetë të ftuar në mesin e të cilëve miq dhe familjarë.
Edhe pse ndër dasmat më të komentuara në mediat botërore, çifti mbajti private momentet duke i publikuar tani disa prej këtyre momenteve për Vogue.
Modelja 34 vjeçare shfaqet e mahnitshme në një fustan të bardhë, teksa shkëlqen në krah të bashkëshortit.
Në intervistën për Vogue ndër të tjera Miranda foli edhe për fustanin e saj.”Nuk mund të kisha imagjinuar një fustan më të bukur se ky.”- është shprehur ajo.
